Нүдээ хэрхэн хамгаалах вэ
- Компьютержсэн энэ эринд нүдээ хамгаалах хэцүү болжээ. Хэрэв таны нүд амархан ядарч, улайж, загатнадаг бол тэр нь хэт их ачаалал авснаас болоод чийгшилгүй болж байгаагийн шинж. Та дараах зөвлөгөөнүүдээс хэрэгжүүлснээр нүдээ амрааж чадна.
- Тогтмол завсарлага авч бай. Хэрэв таны нүд компьютер, зурагтнаас болж ядардаг бол 20 минут тутамд нүдээ дэлгэцнээс өөр зүйлд хандуулаарай. Эсвэл ийм хугацаанд сандал дээрээсээ босч цай уун, хамтран ажиллагч дээрээ очиж хэдэн үг солиод авсан ч болно. Ямартай ч та цацрагт дэлгэцнээс холдож нүдэндээ чийгшлээ нөхөх боломжийг олгох ёстой юм. Олон дахин цавчлах нь нүдний алимыг тосолж өгдөг.
- Өдөрт 1-2 удаа нүднийхээ зовхины гадна талаас хурууныхаа өндгөөр зөөлөн иллэг хийж өг. Нүцгэн гараар, эсвэл бүлээхэн алчуураар хийж болно. Дээд, доод зовхи, хөмсөгний булчингийн ойролцоо хэдэн минут тойрог хэлбэртэйгээр массажлана. Энэ нь ачаалал авсан нүдний булчингуудыг суллаж, нулимсны булчирхайг идэвхжүүлж, хуурайшиж, загатналыг арилгах болно.
- Хоёр аягаа хооронд нь хавсарч, халуун илч ялгартал нь үрээд, хангалттай халуун болсон нэг алгаа дотогш нь хонхойлгож, бөмбөгөр болгож байгаад, нэг нүд нь дээрээ тавина. Алганы халуун буутал байлгаад авна. Энэ үйлдлийг нөгөө нүдэндээ давтана.
- Нүдэндээ хүйтэн жин тавь. Хүйтэн температур нь хавдсан нүдийг тайвшруулна. Ингэхдээ хөргөгчинд байлгасан халбага, хэрчсэн өргөст хэмх, хөргөсөн дүрдэг цай ч байж болно. Цэл хүйтэн мөс тавихаас болгоомжил. Таны арьсыг гэмтээж болзошгүй.
- Таны ажлын өрөөний болон гэрийн гэрэл хэр тод вэ. Бүдэг, сулхан гэрэл нүдийг амархан ядраадаг. Үүний оронд эсрэгээрээ тас харанхуй өрөөнд суусан нь дээр. Өдөрт 15 минут харанхуй өрөөнд суух нь нүдийг мөн амраах ач холбогдолтой.
- Хэрэв таны нүд огцом ядраад эхэлвэл эргэн тойрондоо байгаа ногоон ангийн зүйл руу удаан хараарай. Энэ нь таны нүдийг тайвшруулна. Эсвэл зүгээрл тэр дороо хэдэн секунд нүдээ аньчих.
- Долоовор хуруугаа гозойлгож нүүрнийхээ өмнө барьж байгаад, аажмаар хамарныхаа үзүүрт ойртуул. Ингэхдээ нүдээ хуруунаасаа бүү салгаарай. Хамарны үзүүрт хүрмэгцээ хурууг холдуулаад, алсын зүйлийг хэдэн секунд ширт.
Холбоотой мэдээ
Copyright © 2010 - 2026 Zindaa.mn Developed by mCast LLC
Сэтгэгдэл ( 0 )