Өмгөөлөгчийн аминд хүрсэн хурандаа Н.Буянжаргалд эрүүгийн хэрэг үүсгэжээ

Завхан аймгийн Засаг даргын дэргэдэх Цэргийн хэлтсийн дарга асан, хурандаа Н.Буянжаргал энэ сарын  2-3-нд шилжих шөнө өмгөөлөгч Б-г зодож аминд нь хүрсэн байж болзошгүй хэрэг гарсан.  Н.Буянжаргал нь “Уран байгаль” гэх зочид буудалд байрлаж байсан өмгөөлөгчийг эхнэртэйгээ хардсаны улмаас цохиж гэмтээсэн гэх мэдээлэл байгаа. Хэдийгээр талийгаач элэгний өвчтэй байсан нь үхэлд хүргэсэн байж болзошгүй талаарх мэдээлэл байгаа ч, цохиулсны улмаас гэмтсэн байхыг эмч үгүйсгэхгүй байгаа юм. Хэрэв талийгаач Б нь өвчний улмаас амиа алдсан бол хурандаа Н.Буянжаргалд эрүүгийн хэрэг үүсгэх нөхцөл үүсэхгүй байх магадлалтай талаар яригдаж байсан.Тэгвэл  сэжигтэн Н.Буянжаргалд Эрүүгийн хуулийн 91.1-т зааснаар бусдын амь насыг санаатай хохироох гэсэн зүйл ангиар эрүүгийн хэрэг үүсгэн шалгаж эхлээд байгааг гэх мэдээлэл байна.