Шинэ дулааны цахилгаан станцыг туршиж байна

Увс аймгийн төвд шинээр баригдаж буй дулааны хоёрдугаар эх үүсвэрийг турших, горим тохиргоог тааруулах ажил эхэлсэн байна. Шинэ Дулааны станцын нэг, хоёрдугаар зууханд гал оруулах, шугам сүлжээнд горим тохируулга хийх ажлыг энэ долоо хоногт хийсэн бол өнөөдрөөс хотын төвийн гол шугамаар ус шахаж, туршиж үзэнгээ горим тохируулгыг нь хийж эхэлжээ. Мөн дулааны станцын горим тохируулгын ажил жигдэртэл туршилт явуулах бөгөөд гарсан зөрчил доголдлыг тухай бүрт нь засч байгаа ажээ.