Үерийн далан сэтэрч айлууд үерт автах шахжээ

Ойрын өдрүүдэд бороо ихээр орж байгаатай холбогдуулын гол үерлэж усны түвшин дээшилсэн. Харин энэхүү үерийн улмаас өчигдөр Баянзүрх дүүргийн 23 дугаар хороон, Улиастайд үерийн далан сэтэрч айлууд үерт автах гэж байгаа талаар НОБГ-т дуудлага иржээ. Энэ дагуу Баянзүрх дүүргийн аврах анги очиж ажиллаж, зам засварын машины тусламжтай далангийн сэтэрхийг битүүлж, тэнд байсан айлуудыг үерт автахаас сэргийлж аюулгүй болгожээ.