Монгол улсыг сурталчлах түүхэн бүтээл

Монголын гүрний их хаан Чингисийн тухай өгүүлэх "An End To killing" киног өмнөд хөршийн уран бүтээлчид амжилттай бүтээсэн билээ. Энэхүү кино дэлхийн нэр хүнд бүхий фестивалийн үеэр нээлтээ хийж олны хүртээл болсон юм. Киноны найруулагчаар Wang Ping ажилласан. Тэгвэл энэхүү бүтээлийг дахин дэлхийн хэмжээнд нэгэн зэрэг нээхээр төлөвлөжээ. Тодруулбал, кино урлагийн хөгжлөөрөө тэргүүлдэг Орос, Герман, Солонгос зэрэг найман улсад гаргахаар болсон байна. Киноны үйл явдал Чингис хааны түүхэн байлдаан, хүчирхэг удирдагч гэдгийг харуулдаг. Кино ирэх аравдугаар сард найман оронд зэрэг нээлтээ хийж, дэлхий дахинаа Монгол улсыг сурталчлах юм байна.