“Ноёд” –ын Ерөнхийлөгч Г.Буяндорж шинэ аваргад зориулан наадам хийлээ

“Ноёд” группын Ерөнхийлөгч Г.Буяндорж Сэлэнгэ нутгаас төрсөн анхны аваргадаа зориулж тусгайлан наадам хийжээ. Сэлэнгэ аймгийн Мандал сумын харъяат, “Ноёд” групп, “Таван хан” дэвжээ, ШШГЕГ-ын “Сүлд” спорт хорооны бөх Улсын хүчит арслан  Г.Эрхэмбаяр Тулгар төрийн 2222, Их монгол улс байгуулагдсаны 807, Ардын хувьсгалын 92 жилийн ойн үндэсний их баяр наадмын хүчит бөхийн барилдаанд түрүүлснээр Сэлэнгэчүүдийнхээ магнайг хагартал баярлуулсан билээ.

 Тэрчлэн Сэлэнгэ түмний нутгийнхаа нэрийг гаргасан аваргадаа барих бэлэг дуусах болоогүй бололтой. “Ноёд” группын эзэн Г.Буяндорж  группын нэрийг гаргаж Г.Эрхэмбаярынхаа төрсөн сум болох Мандалд наадам зохион байгуулан, бэл нүнжигээ ч илтгээд авчээ.

Энэ сарын 2-нд Сэлэнгэчүүд аваргадаа хүндэтгэл үзүүлэн Сүхбаатар хотод “Сэлэнгэ түмний талархлын баяр наадам” зохион байгуулсан билээ. Тус наамдаар 128 бөх барилдаж, их нас, соёолон, дааганы уралдаан, халх сурын харвааг зохион байгуулсан юм. Түүнчлэн Сэлэнгэ аймгийн нутгийн зөвлөлөөс шинэ аварга Г.Эрхэмбаяртаа гурван өрөө байр,  “Бенз G500″ маркийн автомашин, нэг суурь хонь бэлэглэсэн юм.