Олон улсын залуучуудын өдөр өнөөдөр тохиож байна

Өнөөдөр буюу наймдугаар сарын 12-ны өдрийг Олон улсын залуучуудын өдөр болгон тэмдэглэн өнгөрүүлдэг аж. Анх Олон улсын залуучуудын өдрийг 2000 оны наймдугаар сарын 12-нд тэмдэглэжээ. Залуучууд дэлхийн ажиллах хүчний дөрөвний нэгийг эзэлж, бас ажилгүйчүүдийн тал нь залуус байгаа юм.

Өндөр мэргэшилтэй мэргэжилтнүүдээс бусад залуу хүмүүсийн хувьд сайхан ирээдүй бүхий тогтвортой ажил эрхлэлтийг хангах бэрхшээл хөдөлмөрийн зах зээлд гарч байдаг.Өнөөдөр дэлхийд 25 хүртлэх насны бараг 3 тэрбум оршин суугч байна.

Тэднээс хагас тэрбум гаруй нь ядуу зүдүү аж төрж байгаа аж. Ядуу зүдүү амьдралаас болоод өдөр бүр 30 мянга орчим хүүхэд нас барж байна. Өдөр бүр 7 мянган залуу хүн ДОХ-ын халдвар авч байна.

Үе үеийнхний харилцан хамааралтайг хүлээн зөвшөөрч, янз бүрийн насныхны асуудлыг хамтдаа шийдвэрлэхийг НҮБ-ыг ерөнхий нарийн бичгийн дарга олон улсын хамтын нийгэмлэгт уриалсан юм.