Уулзварын шинчлэлийн ажлыг энэ сарын 16-нд дуусгана

Нийслэлийн хамгийн том худалдааны төв рүү чиглэсэн гол зам дагуу байдаг хөдөлгөөний ачаалал ихтэй, байнга түгжирдэг замын тоонд багтдаг ХӨСҮТ-ийн баруун урд талын буюу “Дархан Минж”-ийн уулзварын өргөтгөл шинэчлэлийн ажил дуусах шатандаа орж, асфальтбетон хучилтын ажил эхэлж байна.  Энэхүү уулзварыг энэ сарын 13-ны оройноос эхлэн  хааж, 15-ны 06.00 цагт нээхээр төлөвлөн ажиллаж байгаа юм. Тиймээс хичээлийн шинэ жилийн их ачаалал эхлэхээс өмнө замын хучилтыг дуусгахаар уулзварын бүх чиглэлийн хөдөлгөөнийг түр хаалаа. Уулзварын шинэчлэлийн ажлыг бүхэлд нь энэ сарын 16-ны баасан гарагт дуусгахаар төлөвлөж байна  гэж "Гудамж" төслөөс мэдээллээ.