400 сая төгрөгийн монетон эдлэл хил нэвтрүүлэхийг завджээ

Буянт-Ухаа дахь гаалийн улсын байцаагчид энэ сарын 12-нд  5,2 кг алт, монетон эдлэлийг улсын хилээр хууль бусаар нэвтрүүлэхийг завдсан хүнийг саатуулжээ. Уг үнэт эдлэл Сөүл - Улаанбаатар чиглэлийн ОМ-302 чиглэлийн онгоцны зорчигч Монгол Улсын иргэн  О-гийн гар цүнхэнд байжээ. Тус үнэт эдлэлийн үнийн дүн ойролцоогоор 400 орчим сая төгрөг байжээ. Энэхүү гэмт хэргийн шинжтэй үйлдэл нь зохион байгуулалттай, урьдаас төлөвлөсөн, санаатай үйлдэл байж болзошгүй тул Цагдаагийн байгууллагад шилжүүлсэн байна.