Их аварга Д.Дагвадорж жүжигчин Н.Ялалтын нуруун дээр маадайв

Соёл спорт аялал жуулчлалын яам “А-Capella” студитай хамтран “Амжилтын эзэд” супер шоуг зохион байгуулж буй. Эл шоунд оролцож буй Их аварга Д.Дагвадоржийг унадаг дугуйн уралдааны үеэр бахардан унасан хэмээн шуугилдсан ч барианд орсныхоо дараа амарч хэвтсэн үеийнх нь зургийг дарж амжсан овжин нэгэн дээрх цуурхалыг тараасан нь батлагдсан. Тэгвэл саяхан болсон сур харвааны төрөлд оролцохдоо ээлжит дуулианаа тарьсан нь жүжигчин Н.Ялалтыг "унаж" 20 метр хол "давхиулсан" явдал байлаа. Тэрбээр сур харвааны үеэр мөрийцсөн бөгөөд мөрийгөө алдсан жүжигчин Н.Ялалт аваргыг үүрэн арай хийж 20 метр газрыг туулжээ.