Цусаа хандивлах үндэсний өдөрлөг нийслэл хотод болох гэж байна. Энэхүү аяныг Цус сэлбэлт судлалын үндэсний төв, Сайн үйлс дэлгэрүүлэгч залуус ТББ хамтран зохион байгуулж байгаа юм. 17-60 настай 45-аас дээш кг жинтэй, одоогоор ямар нэгэн өвчин эмгэггүй бол та энэхүү аянд нэгдэж өөрийн цусаа хандивлаж болох юм байна. Өдөрлөг Цус сэлбэлт судлалын үндэсний төв дээр 23-ны өдрийн өглөөний 08.00 цагаас эхлэнэ. Дашрамд дуулгахад, цусаа бусдад хандивлах нь эрүүл мэндэд муугаар нөлөөлнө гэх ойлголт олон нийтийн дунд байдаг ч эсрэгээрээ тогтмол цусаа өгдөг донор хүний бие эрүүл чийрэг, зүрхний шигдээсээр өвчлөх магадлал 30 хувь бага гэж шинжлэх ухаанд нотологджээ. Нэг удаа 350-400 грамм цус өгөхөд 24 цагийн дотор нөхөгдөж, 21 хоногийн дотор эсийн төвшинд бүрэн төлждөг байна.
Сэтгэгдэл ( 0 )