“Кино шиг амьдрал” эрүүл энх, эрч хүчтэй байх аз жаргалыг бэлэглэнэ

Хацрынхаа булчинг барьж, чангалж, амаа жимийсээр байсан ч таны дотроос инээд ундарсаар байвал ямар гоё вэ. Ном сонинг оюуны талх гэдэг бол эрүүл, эрч хүчтэй байлгах витаминыг инээд гэдэг. Тэгвэл энэ намрын хамгийн анхны инээдмийн витаминыг “DOZ entertainment”-ын уран бүтээлчид үзэгчиддээ бэлэг болгох нь ээ. “DOZ entertainment”-ын цоо шинэхэн бүтээл болох "Кино шиг амьдрал" УСК тун удахгүй дэлгэцнээ гарах аж. Инээдмийн жанрын уг киноны зураг авалтыг Вьетнам улсад хийсэн бөгөөд киноны ерөнхий найруулагч, зохиолчоор Ш.Доржсүрэн, продюсераар А.Мөнгөнзул ажилласан байна. Харин “Кино шиг амьдрал”-ын гол дүрд залуу жүжигчин н.Батхишиг, н.Уянга, н.Чинзориг нарын шижигнэсэн залуус тоглосон бол зураглаачаар н.Баасандорж, дууны техникчээр н.Төгсөө, нүүр хувиргагчаар н.Одноо, эвлүүлэгчээр н.Чинзоригт нар ажиллажээ.