20 жолооч эрхээ хасуулжээ

Хичээлийн шинэ жил эхлэх гэж байгаатай холбогдуулан нийслэлийн замын хөдөлгөөнийг бууруулах зорилгоор Нийслэлийн Засаг даргын А\782 тоот захирамж гарсан. Энэхүү захирамжийн дагуу тээврийн хэрэгслийг тэгш сондгой тоогоор замын хөдөлгөөнд оролцуулж байгаа билээ. Дугаарын хязгаарлалтай холбоотойгоор жолооч нар бусдын улсын дугаарыг зүүж хөдөлгөөнд оролцсон зөрчил 20 бүртгэгдсэн байна. Иймд дээрх зөрчил гаргаж буй жолооч нарын тээврийн хэрэгсэл жолоодох эрхийг ЗХТХ-ийн 25-5д заасан заалтаар 2 жил хүртэл хугацаагаар хасах арга хэмжээ авчээ.