МҮОХ-ны ерөнхийлөгч Д.Загдсүрэнгийн хэргийг прокурорт шилжүүлжээ

Монголын үндэсний олимпийн хорооны ерөнхийлөгч Д.Загдсүрэнд Авилгатай тэмцэх газраас эрүүгийн хэрэг үүсгэн, өнгөрсөн хоёрдугаар сарын 22-нд саатуулан шалгаж эхэлсэн билээ. Түүнийг ар гэрийнхнийх нь хүсэлтээр батлан даалтад гаргасан юм. Тэгвэл Д.Загдсүрэнд холбогдох хэрэгт яллах дүгнэлт үйлдэж, Нийслэлийн прокурорын газарт шилжүүлсэн тухай эх сурвалж мэдээллээ.

Д.Загдсүрэнг албан тушаалын байдлаа ашиглан МҮОХ-ны ерөнхийлөгчийн сонгуульт албыг хаших явцдаа тус холбооны өмчлөлийн газар буюу хашаан доторх хэсэг газрыг “Тамирчин”  гэх нэртэй сувилалд  дур мэдэн өгсөн хэмээн  хэрэгт буруутгаж байгаа аж. Мөн тамирчдад зарцуулах мөнгөнөөс хувьдаа завшиж, өөрийнхөө хувийг  хувийн компани руу шилжүүлсэн үндэслэлээр эрүүгийн хэрэг үүсгэн шалгаж эхлээд байгаа юм.