Монголын программистууддаа баярын мэнд хүргэе

Өнөөдөр Олон Улсын Программистуудын өдөр тохиож байна. Дэлхийн программчид жил бүрийн 256 дахь өдрийг өөрсдийн мэргэжлийнхээ өдрийг болгон тэмдэглэн өнгөрүүлдэг уламжлалтай. Тэрчлэн Монголын программистуудын  хувьд тэмдэглэлт өдөр нь тохиож байгааг дуулгахад таатай байна.

Бидний амьдарч буй ХХI зуун бол дэлхий нийтийн глобальчлалын зуун. Тэрдундаа мэдээллийн технологийн хөгжил дэвшил, компьютерийн техник, програм хангамжийн хөгжил дэвшил өнөөгийн бидний амьдралд асар их өөрчлөлтийг дагуулж байгаа гэдгийг хэн ч үгүйсгэж чадахгүй.

Өнөөгийн  нийгэмд цахим хэрэглээ асар хурдацтай өсөн нэмэгдэж буйн хэрээр программ хангамж зохиогчдын гүйцэтгэх үүрэг ч улам өсч байна.

Түүнчлэн дэлхийн бусад программистуудтай  зэрэгцэн технологийн хөгжил, дэвшил, өөрчлөлт, шинэ бүхнийг өөрийн улс орондоо нэвтрүүлж байгаа Монголын бүх программистууддаа тэмдэглэлт өдрийн баярын мэндийг Зиндаа.мн сайтын хамт олноос хүргэж байна.

Зиндаа.мн сайтын хамт олноос