14 онгон охиныг босогчдын “хүслийг хангахаар” илгээжээ

Дэлхийн халуун цэг болсон Сири улсад өдөр алгасахгүй дэлбэрэлт болж хүний амь нас эрсэдсэн мэдээлэл ирдэг. Гэтэл зөвхөн тэсрэх бөмбөг, буу шийдэмд бус бэлгийн дарамтанд орсон олон хохирогчид байдаг ажээ. Тодруулбал яг л дэлхийн II дайны үед   Япон цэргүүдийн дур хүслийг хангахаар хүчээр Тайвань эмэгтэйчүүдийг олон мянгаар нь илээж байсантай адил зүйл Сири улсад болж байгаа гэнэ. Тодруулбал Сирид дайтаж буй босогчдын "бэлгийн  хэрэгцээ"-г хангахаар Хойд Африк, Ойрхи Дорнодын орнуудын охид, эмэгтэйчүүд олон тоогоор тус улсын хилийг давж байгааг Тунис улсын Дотоод хэргийн сайд Л. Жиддоу мэдээллэв. Зөвхөн нэг жилийн дотор л гэхэд  6000 орчим тооны тунис эмэгтэй Сирид очихоор хилийн дээс алхсан болохыг дэлгэжээ.  Ингээд халуун цэг болох босогчдын дунд орсон нэг эмэгтэй 20, 30, цаашлаад 100 исламист босогчдын дур хүслийг хангаж байгаа аймшигтай тоо гарчээ.
Үүний баталгаа нь Тунисийн нэгэн номлогч  14 онгон охиныг Сирид илгээсэн болохоо мэдэгдэж, тэд үүргээ сайн биелүүлж байгаа гэж ярьсан байна. Эдгээр охид ердөө л 12 настай байгаа нь насанд хүрээгүй хүүхдүүд бэлгийн мөлжлөгөд өртөх улмаар янз бүрийн халдварт өвчин тээх шалтгаан болж байгаа юм.

Хил давсан охид хүүхнүүд тэндээс буцахдаа олон төрлийн бэлгийн замын өвчин зөөвөрлөгчид болдог байна.