Зохиолчдын эвлэлийн шинэ, хуучин удирдлагууд 40 сая төгрөгөө хааш нь хийх гэж байна вэ?
МЗЭ өнгөрөгч амралтын өдрүүдэд ээлжит XV их чуулганаа хийгээд байгаа. ССАЖ-ын яамнаас 80 сая төгрөг гаргуулан авч ээлжит их чуулганаа хийсэн боловч тус хуралд урилгаар оролцсон Ц.Оюунгэрэл сайд, мэргэжилтнүүдийнх нь нүдэнд онцгой туссан зүйл бол хурлын төлөөлөгчдийн энгэрт төсөвлөгдсөн тэмдэг, гар дээр нь тараах материал юу ч байгаагүй бөгөөд шөнө дунд хүртэл хуралдсан, ихэвчлэн ахмад зохиолч ус ч үгүй цай ч үгүй ядарч янцаглаж суусан явдал байсан аж. Тэрчлэн хоёр өдөр үргэлжилсэн их чуулганы үйл ажиллагаа, зохион байгуулалт хуран чуулсан зохиолчдоос шүүмжлэл сонсоход хүргэсэн бөгөөд “Монголын Зохиолчдын Эвлэл” XV их чуулганы хүрээнд зохион байгуулсан үйл ажиллагааныхаа нийт зардлын тайланг 40 сая төгрөг гэж тооцоолсон байгаа аж. Тэгэхээр яамнаас төсөвлөсөн мөнгөний тал нь хаачив гэдэг асуудал гарч ирж байгаа юм байна. Уг нь МЗЭ яамнаас гаргаж өгсөн 80 сая төгрөгөөр гайгүй үйл ажиллагаа зохион байгуулчихад болохгүй гэх газаргүй билээ. Гэтэл хэдэн зохиолчдынхоо зэвүү дургүйг хүргэсэн арга хэмжээг зохиосон болж халтуурдаж өнгөрөөсөн нь хэн хүний анхаарлын гадна үлдсэнгүй бололтой. Тэрчлэн МЗЭ-ийн шинэ хуучин удирдлагууд энэ асуудлаасаа болж чамгүй хэл ам дагуулж болзошгүй байна.
Холбоотой мэдээ
Сэтгэгдэл ( 4 )
Хөдөөний зохиолчид бүгд л өөр өөрийн унаа машинаар ирсэн шүү. Зохиолчдын эвлэлээс юу гарсаныг би лав санахгүй байна. Ховдынхон тэр холоос шийгуагаа ачаад УАЗ фургон хөлөглөөд ирсэн санагдаж бана. Эрдэнэтийнхэн Дарханыхан яасаныг МЗЭвлэл мэдэж байгаа юун 80 сая төгрөг вэ? Юун энгэрийн тэмдэг мэмдэг тэр ямар хэрэгтэй юм. Урдах их хурлаар гаргаа л биз дээ. Хүн бүхэнд нэг шуналын сэтгэл суучихжээ. Мөнхцэцэгээ чи болиочээ. Тэгээд ичихгүй эргээд сонгогдож л байдаг арай ч дээ.
Битгий балайраад байгаач. Жаахан юм мэдэж, үнэн бичээч, Буянзаяаг олонд танигдаагүй гэж хэн хэлээв. Та өөрөө таньдаггүй бол хохь чинь гэдэг юм тэрийг чинь. Зохиолчдын их хурлын сонгуульд ялж чадаагүйдээ хорссон хүмүүсийн өчүүхэн атаархал төөлүүр өт шиг амьтны явуулга юм уу даа
Энэ мэдээллийг гаргасанд баярлалаа стэгүүлчээ. Яг ийм юм болсон шүү. Мөнхцэцэг чи тэр 40 саяыг хэнтэй хувааж хэрхэн идэж ууснаа бидний өмнө биш юм гэхэд хуулийн өмнө хэлэх байлгүй. Харж л байя шударга юм гэж байдаг бол
өө шалгаад өг шалгаад өг яасан даварсан гарууд вэ. энд хүн эдийн засгийн хямралд автаж яая гэж байхад. тэр яамны мөнгө гээд байгаа чинь бид нарын л халааснаас гарч байгаа мөнгө ш дээ