Галзуу нохой хүн хазжээ

Сонгинохайрхан дүүрэгт галзуу нохой хүн хазсан хэрэг гарчээ. Тодруулбал, Нийслэлийн Сонгинохайрхан дүүргийн 9 дүгээр хороо, Баруун Баян-Уулын гудамжинд нохой галзуурсан, 1 хүн хазаж, ойр орчмын ноходтой уралцаад байна гэсэн мэдээллийг 2013 оны 09 дүгээр сарын 28-ны өдрийн 09:10 цагт өгснөөр НМЭГ-т мэдэгдэж шаардлагатай арга хэмжээ авчээ. Нохойг устгаж НМЭГ-ын лаборторид дээж авч шинжилгээнд өгөхөд “Галзуу”  өвчин нь болох нь тогтоогдсон байна.

Тухайн орчны 6 айлын 10 нохойг холбогдох мэргэжлийн байгууллагын анчид  устгал хийж дүүргийн Онцгой байдлын хэлтэс, Мэргэжлийн хяналтын хэлтэс, Буян хөхий ХХК-ны Мал эмнэлэгтэй хамтран Улаан чулуутын хогийн цэгт 3,5 метр нүхэнд шатаан булж, ариутгал халдваргүйжүүлэлт хийжээ.