Утаагүй зуух авсан айлуудад шалгалт хийнэ

Автор | Zindaa.mn
2013 оны 10 сарын 09

121 мянган зуухаа нийслэлийн гэр хорооллын айл өрхүүдэд тарааж дууссаны дараа хатуухан хяналт шалгалтын ажил явуулах аж. Учир нь нийслэл хотын утаа төлөвлөсөн хэмжээндээ хүртэл буураагүй. Үүнийг  зарим айл өрхүүд хөнгөлттэй үнээр авсан зуухаа цааш нь дамлан зардагтай холбоотой гэж үзээд зуух авсан айл өрхүүдэд шалгалт хийх улмаар ашигладаггүй нь тогтоогдвол торгох журмыг боловсруулж эхэлсэн байна. 


Энэ талаар Нийслэлийн Агаарын чанарын албаны дарга Ч.Батсайхан "Эрчим хүчний хэмнэлттэй утаагүй зуухыг айлуудадаа байна уу гэдгийг шалгах шалгалтыг тун удахгүй явуулна. Хэрвээ зуух авчихаад ашиглаагүй тохиолдолд торгох, зуухны үндсэн үнэ болох 450000 төгрөгийг эргүүлэн төлүүлэх журмын төслийг боловсруулж байгаа. Зуух тараагдсан ажлыг хороонуудаас авчихсан учраас тэрэнтэйгээ тулгаад шалгалтыг хийнэ" гэжээ. 

Дашрамд дуулгахад утаагүй зуух тараах ажил энэ жил Багахангай, Багануур, Налайх зэрэг алслагдсан дүүргүүдэд хэрэгжих бөгөөд 45000 айл өрхөд тус зуухыг тараах юм байна.

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
мөнгөний машин төсөл (182.160.2.11)  2025 оны 03 сарын 13

ямар аймаар том бизнес вэхятад санаа одоо ард иргэдээс торгууль авч татвартогтоох нь дээ энэ утаагүй зуухны төслийг хэн хийсэн юм бол дооодоо мөнгөний машин шигэзэндээ үйлчилж эхлэх нь бололтой дог оо

1  |  0
PEE (202.131.225.197)  2025 оны 03 сарын 13

HOOL HIIJ BOLDOGGUI ZUUH YM BISHUU? TEGEED HUMUUS HOOL HIIH BOLHOOROO HUUCHIN ZUUHAA TULDEG GEJ BNA LEE SHDEE

1  |  0
Hereglegch (202.21.112.2)  2025 оны 03 сарын 13

Asdaggui zuukh ailuudad shahchihaad yug ni shalgadag bnaa. Uursduu heregleed uzeech dee.

1  |  0
Top