Сэтгүүлч нар урлагаар өрсөлдөж байна

Монгол Улсад үндэсний сэтгүүлзүйн салбар үүсч хөгжсөний 100 жилийн ойн хүрээнд болж буй Хэвлэл мэдээллийн салбарын “Урлагийн их наадам” энэ сарын 26-28 ны өдрүүдэд Улаанбаатар хотноо зохион байгуулагдах юм. Өнөөдөр эхлэсэн тус наадам "Уран уншлага", "Хөгжим", "Язгуур урлаг" гэсэн төрлүүдийн шалгаруулалтаа зохион байгуулах бол маргааш 11:00 цагаас "Дуу", "Бүжиг", "Багийн мэндчилгээ" гэсэн үлдсэн төрлүүдийн шалгаруулалтаа зохион байгуулах аж.

Хэвлэл мэдээллийн салбарын “Урлагийн их наадам”-ыг зохион байгуулагчаар “Монголын Сэтгүүлчдийн Эвлэл”, "MGL MEDIA GROUP", санаачлагчаар урлаг соёлын мэдээ мэдээллийн нэгдсэн www.URLAG.mn сайт, Дэмжигч байгууллагаар "Дархан нэхий" ХК, "Нийслэлийн Улаанбаатар чуулга", "Мөнгөн ганзай" ХХК, оролцогчоор Монголын Сэтгүүлчдийн Эвлэл, Монголын Радио Телевизийн Академи, Монголын Сайтын Холбоо, Монголын Мэдээллийн Сайтуудын Ассоциаци, Монголын Телевизүүдийн Холбоо, Монголын Суваг Телевизүүдийн Нэгдсэн Холбоо, Монголын Фм Радиогийн Нэгдсэн Холбоо, Монголын Сонины Холбоо, Монголын Хэвлэлийн Хүрээлэн, Монголын Сэтгүүл Зүйн Академи, Орон Нутгийн Хэвлэл Мэдээллийн Холбоо, Нийслэлийн Сонины Холбоо, Спортын Сэтгүүлчдийн Холбоо, Парламентийн Сэтгүүлчдийн Холбоо, Даймонд Пресс Клуб, Монголын Өдөр Тутмын Сонинуудын Холбоодын гишүүн байгууллагууд хамрагдаж байгаа юм байна.