Монголчууд уламжлалт харваагаар дэлхийн рекорд тогтоожээ

БНСУ-д болсон Дэлхийн уламжлалт харвааны фестивальд эх орноо төлөөлөн оролцсон Монгол Улсын мэргэн С.Баярмаа,  Монгол Улсын мэргэн Д.Норжмаа, Монгол улсын  гоц мэргэн Х.Оюунчимэг нар эхний гурван байрыг эзэлжээ. Энэ тэмцээний үеэр  Д.Норжмаа 54 оноогоор уламжлалт харвааны дэлхийн дээд амжилтыг тогтоосон байна. Тэмцээнд 31 орны 450 гаруй тамирчин оролцжээ. Тамирчид долоон төрлийн байнд 36 зэвт сум тавьсан аж. Тэмцээнд оролцсон улс орнууд өөр өөрийн уламжлалт нумаараа харвасан байна.