Барилгын үйл ажиллагааг зогсоожээ

Сүхбаатар дүүргийн I хороо Гэрлэх ёслолын ордны зүүн талд байрлах Олимпийн гудамжны есдүгээр байрны барилгад цууралт гарсан нөхцөл байдлын талаар манай сайт өмнө нь мэдээлж байсан. Энэ байрны урд “Эм Си Эс” компанийн барилга баригдаж байгаа билээ. Байрны оршин суугчид барилгын үйл ажиллагаа явуулахгүй гэж эхэлснээс хойш тэмцээд дийлэхгүй байгаа юм.  Харин “Эм Си Эс”-ийн зүгээс өмнө нь ийм ан цав гарсан байсан хэмээн мэдэгдээд байгаа билээ.     Тэгвэл Мэргэжлийн хяналтын газраас "Эм Си Эс" компанийн барилгын үйл ажиллагааг зогсоож, лацадсан байна. Хэрвээ дахиж үйл ажиллагаа явуулбал хуулийн дагуу дараагийн арга хэмжээ авна гэдгээ ч мөн албан ёсоор мэдэгдлээ.