Хотын төвөөс их бууны цэнэгтэй хошуу олжээ

Их бууны цэнэгтэй хошуу олдсон байна. Тодруулбал, Нийслэлийн Чингэлтэй дүүргийн дөрөвдүгээр хороо, Байгалийн түүхийн музейн баруун талд их бууны сумны хошуу байна гэсэн мэдээлэл өчигдөр 14:07 цагт Нийслэлийн онцгой байдлын албанд ирсэн байна. Дуудлагын дагуу ОБЕГ-ын болон НОБГ-ын холбогдох мэргэжилтнүүд шуурхай зохицуулалтын арга хэмжээ авахад 20 см-ийн урттай, 85 мм-ийн байлдааны их бууны сумны цэнэгтэй хошуу байсныг илрүүлжээ. Уг цэнэгтэй хошууг Зэвсэгт хүчний 084 дүгээр ангийн Тэсэрч дэлбэрэх бодисын хайгуул устгалын бүлэг аюулгүй байдлыг ханган устгалд оруулсан аж.