Талибын төлөөлөгч амиа алджээ

Пакистаны Талиб хөдөлгөөний нөлөө бүхий толгойлогчдын нэг Хакимулла Месуд амиа алдсан байна.

Түүнийг  АНУ-ын алсын удирдлагатай сөнөөгч онгоцоор явуулсан ажиллагааны үеэр Х.Месуд амиа алдсаныг Талиб хөдөлгөөний хэвлэлийн төлөөлөгч мэдээлсэн юм.

Хэдийгээр энэ нь Талибуудын хувьд томоохон гарз ч гэлээ Пакистаны Засгийн газар босогчидтой тохиролцоонд хүрэх бас нэгэн ахиц байж магадгүй гэж ажиглагчид үзэж байгаа аж. Учир нь талуудын хэлэлцээрийн ширээний ард суух асуудалд Хакимулла Месуд тийм ч хүлээцтэй ханддаггүй байсан юм.