Уул уурхайн салбарын чуулга уулзалт болно

Металлургийн салбарын чиг хандлага, бодлогыг тодорхойлж тодорхой үр дүнгийн түвшинд хэлэлцдэг томоохон хурлын нэг болох уул уурхай, металлургийн салбарт хөрөнгө оруулагчдын “Metals Mongolia-2013” хоёрдугаар чуулга уулзалт энэ сарын 8-нд болох юм байна. Энэ удаагийн чуулга уулзалтад төр засаг, хөрөнгө оруулагчид болон хувийн хэвшлийн төлөөлөл оролцож салбарын хөгжил, бодлого, дэд бүтэц, удахгүй хэрэгжүүлэх төсөл, алт, зэс, төмөр зэрэг хөтөлбөрүүдийн үзэл баримтлалын талаар хэлэлцэх аж. Мөн аж үйлдвэржсэн эдийн засгийн суурийг бий болгох засгийн газрын урт хугацааны зорилтын хүрээнд уул уурхай, металлургийн салбарт байгаль орчинд ээлтэй, шинэ дэвшилтэд технологи бүхий ногоон хөрөнгө оруулалтыг татах, салбарын бодлого төлөвлөлтийг олон улсад сурталчилах, хувьсан өөрчлөгдөж буй зах зээлийн орчинд салбарын өрсөлдөх чадварыг бэхжүүлэх нь чуулганы гол зорилго юм байна.