Б. Амархүү биелгээ бүжиг биелэн дуулжээ

ОХУ-ын Буриад улсын ардын жүжигчин Б.Амархүү УГЗ Л.Балхжавын хоёр ч шинэ дууг дуулж амьдруулсан байна. Тэдгээр дууны нэг нь СГЗ Ш.Гүрбазарын шүлэг “Монгол биелгээ” дуу байлаа. Орос дуу дуулж, орос хамтлагт дуулан алдаршсан Б.Амархүүг хүмүүс хагас монгол, хагас орос гэж егөөдөх нь бий. Үнэхээр Б.Амархүү монголоор ярихдаа ч тааруухан тал бий. Харин дуулахдаа бол жинхэнэ монгол хүн болжээ гэдгийг Ш.Гүрбазар найрагч онцлон “Монгол хүн гэдэг монгол л байдаг юм” хэмээн самсаагаа борхируулах нь холгүй өгүүлнэ лээ. Үнэхээр Б.Амархүү “Монгол биелгээ” дууг өөрөө тун эвлэгхэн биелэн байж гайхалтай дуулсан билээ.