Өсвөр насныхныг хүсээгүй жирэмслэлтээс хамгаална

Дэлхийн томоохон орнуудад жил бүр 7.3 сая охин өсвөр насандаа хүүхэд төрүүлж байгаа гэсэн статистик тоо баримт байдаг. Манай орны хувьд ч энэ тоо өндөр байгаа бөгөөд ихсэх хандлагатай талаар мэргэжлийн байгууллагууд мэдээллэдэг. Тухайлбал өсвөр насны төрөлт 1997 онд 1000 амьд төрөлтөд 38 байснаа, 2005 онд 63 хувиар буурсан боловч 2006 оноос эхлэн дахин өсч 1000-д 33 байх болжээ. Энэ нь сүүлийн 15 жилд тохиолдож буй хамгийн өндөр үзүүлэлт гэнэ. Тиймээс өсвөр насныхныг жирэмслэх, тэднийг хүсээгүй жирэмслэлтээс сэргийлэх зорилгоор Эрүүл мэндийн яамнаас "Ирээдүйн босго" нэртэй төвийг байгуулжээ. Энэ чиглэлээр нийт 14 төв үйл ажиллагаагаа явуулж эхэлсэн бөгөөд нэмж зургаан төв үүдээ нээх юм байна. Ингэхдээ оюутнуудад ойрхон байх зорилгоор өсвөр үеийнхний төвлөрөл ихтэй газрууд буюу оюутны хотхон дунд байгуулахаар төлөвлөсөн аж.