Газрын тосны үнэ савлаж байна

Ираны хэлэлцээ амжилттай болсны дараа газрын тосны үнэ унаж эхэллээ. Дэлхийн зах зээлд нэг баррель нефтийн үнэ 2,42 ам.доллараар унаж, 108,63 ам.долларт хүрсэн байна. Ойрхи Дорнодын орнууд дэлхийн зах зээлд нефть нийлүүлэлтээрээ тэргүүлдэг бөгөөд Иран улс нь дэлхийн дөрөв дэх томоохон нефть экспортлогч орон билээ. “Энэ уналт нэг их удаан үргэлжлэхгүй л болов уу. Ойрын долоо хоногтоо унасан хэвээр л байна байх. Ер нь дэлхийн зах зээлд газрын тос болоод түүхий эдийн үнэ энэ жил ихээхэн савлагаатай байгаа” гэж BBC агентлагийн эдийн засгийн шинжээч Жонатан Баррат ярьжээ. Дашрамд дуулгахад, Ираны хамгийн том экспортлогч улсууд бол Хятад, Энэтхэг, Итали, Япон, Өмнөд Солонгос юм.