”Skytel” компанийг АТГ шалгаж байна

"Скайтел" компанийн Санхүүгийн албанд АТГ-аас  шалгалт оруулсан гэсэн мэдээлэлд холбогдох байгууллагууд албан ёсны тайлбар өгөөгүй байгаа.  "Өдрийн сонин"-ы олж авсан мэдээллээр "ZTE" буюу Хятадын хөрөнгө оруулалттай компанийн асуудлаар шалгах болсон гэнэ. "Скайтел" тус компанитай 2004 оноос хойш хамтарчээ. Хамтарч эхлэх үеэсээ CDMA систем нэвтрүүлсэн аж. Үүн шиг хэд хэдэн том төсөл дээр хамтарсан бололтой.  Төсөл дагасан их мөнгөнөөс тухайн  үеийн албан тушаалтнуудад авлига хэлбэрээр өгсөн байж болзошгүй  мэдээлэл хууль хяналтынханд иржээ. ZTE корпорацийн Монгол дахь салбарын удирдлагуудыг АТГ-ынхан баривчилж цагдан хорьж байгаад гадуур байцаах болсон юм.