Өчигдөр Дорноговь аймагт автын осол болж, гурван хүн нас баржээ

Өчигдөр Дорноговь аймагт зам тээврийн ноцтой осол гарчээ. Тодруулбал тус аймгийн Даланжаргалан сумаас хойш долоон км-т "Мицубиши дион" маркын автомашин онхолдож, 35 настай эмэгтэй Ц, 28 настай эмэгтэй Б, 5 настай эрэгтэй Х нар нас барсан байна. Хэргийг тус аймгийн цагдаагийн хэлтэс шалгаж байгаа аж. Тус аймгаас ирсэн мэдээллээр гурван ээж хүүхдүүдээ хичээлд нь хүргэж өгөхөөр яарч явж байгаад ийнхүү осолджээ. Машинд гурван эмэгтэй хүн, долоон хүүхэд явсан бөгөөд ослын улмаас ийнхүү гурван нь газар дээрээ нас баржээ. Мөн амьд үлдсэн хүүхдүүдээс гурвынх нь биеийн байдал хүнд байгаа бөгөөд яаралтай мэс засалд ороод байгаа юм байна.