Ногоон хөгжлийн түншлэл үндэсний чуулган эхэллээ

Монгол Улсын Ерөнхий сайдын ивээл дор зохион байгуулагдаж буй Ногоон хөгжлийн түншлэл үндэсний чуулган яг одоо эхэлж байна. Төр, хувийн хэвшлийн хамтын ажиллагааг эрчимжүүлэх, сайжруулах зорилготой уг чуулганд 1000 гаруй төлөөлөгч оролцож байна. Чуулганаар ногоон хөгжил, ногоон эдийн засгийг төр, хувийн хэвшил хамтран бий болгоход юу хэрэгтэй, ямар асуудлууд байгааг хэлэлцэж, шийдвэрлэх юм. Эрх зүйн орчин болоод авч хэрэгжүүлэх арга хэмжээ, байгаль орчны өнөөгийн байдал, ирээдүйд юу хийх ёстой талаар мэргэжлийн салбарынхан хэлэлцэх юм.