Сири дэх ОХУ-ын ЭСЯ халдлагад өртжээ

Сирийн нийслэл Дамаск дахь ОХУ-ын Элчин сайдын яам халд­лагад өртжээ. Оросын тал уг бол­сон явдлыг алан хядах ажиллагаа хэмээн үзсэн байна. Сири дэх Оросын Элчин сайдын яамны ажилтны мэдээлснээр "ОХУ-ын дипломат төлөөлөгчийн газар миномётын суманд энэ сарын 28-нд өртсөн. Энэ үеэр тус яамны байрны хашаан дотор тэсрэх бөмбөгүүдийн нэг унасан. Дэл­бэрэл­тийн үеэр нэг хүн амиа алдаж, есөн хүн шархадсан. Гэм­тэгсдийн дийлэнх нь тус газарт ажиллаж байсан сири иргэд юм" гэсэн байна. НҮБ-ын Аюулгүйн зөвлөлийн­хөн уг хэргийг шүүм­жилж, энэ нь  халдлага юм хэмээн нэрийджээ. Оросын талын мэ­дээлс­нээр "Сүү­лийн үед мино­метын буудлагад Дамаск хотын төв байнга өртөх болсон. Тэр тусмаа Оросын дип­ломат төлөөлөгчийн газар нэг бус удаа өртөж байна. Халдлагыг өөгшүүлж буй хүмүүст хатуу ха­риуцлага тооцох ёстой" гэжээ. Анх 2011 оны гуравдугаарт Сирид эхэлсэн мөргөлдөөн цааш даамжран өдгөө дайны байдалтай байгаа билээ. Энэ хугацаанд 100 мянга гаруй хүн амиа алдсан гэсэн судалгаа байна.