Хувцасны үйлдвэрт гал гарч долоон хүн амь үрэгджээ

Италийн Патро хотод орших Хятад эзэнтэй хувцасны үйлдвэрт өчигдөр шөнө их хэмжээний гал гарснаас долоон хүн амь үрэгдэж, хоёр хүн хүнд түлэгдэлтэй эмнэлэгт хүргэгджээ. Галын улмаас үйлдвэрийн барилгын дээвэр нурсан тухай эх сурвалжууд мэдээлж байна. Хувцасны үйлдвэрт гал гарах үед дотор нь 11 хүн унтаж байсан аж. Одоогоор цагдаа нар галын шалтгааныг тодруулахаар ажиллаж байна. Италийн албаныхны зүгээс хямд үнэтэй хувцас үйлдвэрлэдэг Хятад эзэнтэй хувцасны үйлдвэрийг хууль бус үйл ажиллагаа явуулж байсан хэмээн хардаж байгаа аж.