Их хэмжээний мод ачиж яваад хураалгажээ

Саяхан Баянзүрх дүүргийн замын цагдаагийнхан гарал үүслийн бичиггүй их хэмжээний мод илрүүлжээ. Тодруулбал, "Хюнда" маркийн автомашиныг шалгахад тухайн тээврийн хэрэгслийг жолоодож явсан Цогтгэрэл гэгч гарал үүслийн бичиггүй 200 шуудай мод тээвэрлэж явсан байна. Тэрээр уг модоо худалдаж авсан гэх боловч цагдаагийнхан нарийвчлан шалгаж байгаа аж.  Мөн үүнтэй төстэй хэрэг Хан-уул дүүрэгт илэрчээ. Тодруулбал, "Хюнда" маркийн машиныг жолоодож явсан жолооч бичиг баримтгүй хөдөлгөөнд оролцож байсан бөгөөд машиндаа гурван тонн мах тээвэрлэж явжээ. Хэргийг Хан-Уул дүүргийн цагдаагийн хэлтсээс шалгаж эхэлжээ. Ер нь сүүлийн үед түлээ, түлш, идэш бэлтгэх цаг ирсэнтэй холбоотойгоор их хэмжээний мах, түлээ мод тээвэрлэж явсан зөрчилүүд илрэх болжээ.