Өчигдөр 1,3 тэрбум төгрөгтэй тэнцэх алт хил гаргахыг завджээ

Монгол Улсын Тагнуулын байгууллага Гаалийн байгууллагатай хамтран өчигдөр  Замын-Үүд-Эрээний чиглэлийн олон улсын галт тэргэнд зорчин явсан Монгол улсын дөрвөн иргэний авч яваа ачаа тээшинд үзлэг хийснээр нийт 13 гулууз, 18 кг 91 грамм алтыг улсын хилээр хууль бусаар гаргах гэж байсныг илрүүлэн таслан зогсоосон  байна.

Дээрхи алт нь дунджаар 1,3 тэрбум төгрөгийн үнийн дүнтэй бөгөөд уг хэрэгт холбогдсон дөрвөн иргэнийг саатуулан Тагнуулын байгууллага шалгаж эхэлжээ.