Дорнодын МАН-ын бүлгийн даргыг баривчилжээ

Дорнод аймгийн ИТХ өнөөдөр хуралдаж ирэх оны төсөв болон Засаг даргад нэр дэвшүүлэх зэрэг асуудлыг хэлэлцэхээр байсан аж. Гэвч аль аль асуудлыг хэлэлцэж чадаагүй байна. Учир нь Аймгийн ИТХ-дМАН-аас Засаг даргад нэр дэвшүүлэхээр яригдаж байсан МАН-ын бүлгийн дарга П.Мөнхтөрийг  өчигдөр бүлгийн хурлаас ньбаривчлан хорьжээ. Үүнийг АН-ынхан зохион байгуулсан хэмээн МАН-ынхан үзэж байгаа аж. П.Мөнхтөрийг аймгийн цагдаагийн хэлтсийнхэн Улаанбаатараас ирсэн хүчний  байгууллагын хүмүүстэй хүч нэмэгдүүлэнбаривчилсан гэдгийг эх сурвалж хэлж байна.