Сиричүүд өлсөж, амьтны хүрээлэнгийн арслангаа идэж байна

Өлсгөлөнд нэрвэгдсэн Сирийн босогчид Дамаск хотын амьтны хүрээлэнд байсан арсланг алж, идшээ болгосон байна. Сирийн нийслэл Дамаск хотын зарим хэсэг өнгөрсөн зургаан сарын турш Сирийн армийн бүслэлтэд байгаагийн дээр өвөл хаяанд ирсэнтэй холбоотойгоор хоол, хүнсний хомсдол үүсээд буй аж. Босогчдын хүнсэндээ базаасан арслан нь Дамаскийн зүүн хэсэгт орших Гутагийн аль-Карья аль-Шама амьтны хүрээлэнд байсан аж. Үүнээс өмнө өнгөрсөн арваннэгдүгээр сард Сирийн шашны хуврагууд иргэдийг өлсөж үхэхгүйн тулд нохой, муурыг хүнсэндээ ашиглахыг зөвшөөрч буйгаа зарлаж байсан юм. Түүнчлэн Гута нь өнгөрсөн наймдугаар сарын 21-нд химийн хорт бодис бүхий халдлага гарсан газар аж.