Хууль бус контент илрүүлдэг програм бүтээжээ

Олон нийтийн сүлжээ Фэйсбүүк ком­пани хэрэглэгчдийн дунд тарж байгаа кон­тентуудыг аль хулгайн, аль нь хууль ёс­ных болохыг ялгах тусгай программ зо­хион бү­тээжээ. Тэд шинэ программынхаа зо­хиог­чийн эрхийн гэрчилгээг өчигдөр албан ёсоор авсан байна.

Олон нийтийн сүлжээ Фэйсбүүкийг хэ­рэглэгчдийн хүрээ нэмэгдэхийн хэрээр эл­дэв төрлийн зураг, цахим ном гэх мэт хууль бус контентууд энд тэндгүй тэнүүчилж, хэ­рэглэгчдийг хохироох явдал олон гардаг бол­жээ. Тэгвэл компанийн инженерүүд энэ­хүү эрсдлээс хэрэглэгчдээ хамгаалах ши­нэ программыг зохион бүтээснээ албан ёсоор танилцууллаа.

Шинэ программыг ашиг­ласнаар дээр хэлсэнчлэн хулгайн кон­тентыг нээж хохирогч болох эрсдэлээс хам­гаалагдах юм. Хулгайн контент бай­гаа эсэхийг "олон нийтийн дохио" гэж нэр­лэ­сэн хэлбэрээр хэрэглэгчдэд та­ниу­лах юм байна. Энэ нь тухайн хэ­рэглэгчийн байгаа байршил, дур­тай кино, хобби зэрэг хэл­бэртэй байх гэнэ. Үйлчилгээг ямар хэлбэрээр авахаа хэрэглэгч өөрөө сонгож, энэхүү мэдээллээ нууц­луулах эрхтэй ажээ.

Зохиогчийн эрхийн гэрчилгээнд бичсэнээр, шинэ программ нь текст хэлбэртэй хулгайн файл, тухайлбал, цахим ном, янз бүрийн фото материалуудыг илрүүлэх юм байна. Программын ажиллах хугацаа, үнэ одоогоор тодорхойгүй байна. Харин компанийн удирдлагууд цаашдаа энэхүү шинэ программаа вирустэй линк, видео болон аудио контентуудыг илрүүлдэг болгож сайжруулахаа амлаж байгаа юм.

Олон нийтийн сүлжээ Фэйсбүүк нь 2004 онд нээгдэж, хэрэглэгчдийн тоо нь эдүгээ нэг тэрбум гаруйд хүрээд байгаа юм. Хэрэглэгчид нэг хоногт л 350 сая зураг оруулж, 10 тэрбум мэдээлэл солилцож байдаг бөгөөд цахим хуудсаар дамжин өдөр бүр 110 сая дуу хөгжмийн цомог, 1.4 сая цахим ном эзэндээ хүрч байдаг юм байна. Фейсбүүкээр нэг өдөрт дамжиж байгаа мэдээллийн хэмжээ 500 терабайт хүрдэг ажээ.