Чанаргүй төгсөгчдийг багасгахын тулд ЭЕШ - ын босго оноог нэмнэ

Их, дээд сургуульд элсэгчдийн Элсэлтийн ерөнхий шалгалтын босго оноог 450 болгохоор журамлаж байгаа аж. Элсэлтийн шалгалтын босго онооны дээд тал нь 800 байх ёстой гэдэг нь чанаргүй их, дээд сургуулийн тоог олшруулах боломж болж байгаа хэмээн албаныхан үзэж байгаа аж. Учир нь бага оноотой элсэгчдийг хувийн их, дээд сургуулиуд элсүүлэн авч, “амьдарсаар” байгаа нь боловсролыг улам бүр чанаргүйдэхэд хүргэж байгаа гэжээ. Тиймээс босго оноог 450 болгох журмыг ирэх сарын 1-нээс мөрдөх юм байна.

Уг журмыг Хувийн их, дээд сургуулийн консерциумаас эсэргүүцэж, БШУЯ-нд “Энэ шийдвэрээ эргэж хараач, хэрэгжүүлэх боломжгүй” гэх мэдэгдэл ирүүлээд байгаа ч чанартай боловсролын төлөө үүнийг хэрэгжүүлэх нь зүйтэй гэж тус салбарынхан үзжээ.