Боксчин Д.Лхагва, МУНН-ын дарга Б.Батболд, “Саятан” хочит Ж.Мягмаржаргал нар мөрийтэй тоглож байгаад үйлдэл дээрээ баригджээ

Өнгөрсөн сарын 28-29-нд шилжих шөнө мөрийтэй тоглож байна гэсэн дуудлага цагдаагийн байгууллагад ирсэн байна. Тус мэдээлэлийн мөрөөр Цагдаагийн байгууллага шалгаж мөрийтэй тоглож байсан иргэдийг болон эд мөрийн баримтын хамт хураан авч шалгаж байгаа аж. Одоогоор Сүхбаатар дүүргийн цагдаагийн хэлтэс мөрийтэй тоглож байсан иргэдэд эрүүгийн хэрэг үүсгэн шалгаж байна. Уг хэргийг Монгол Улсын эрүүгийн хуулийн тусгай ангийн 243 дугаар зүйлд мөрийтэй тоглох гэсэн зүйл ангиар шалгаж байгаа аж. Хуулиар хориглосон мөрийтэй тоглоом тоглосон мөн зохион байгуулсан тохиолдолд хөдөлмөрийн хөлсний доод хэмжээг 2 дахин нэмэгдүүлсэнтэй тэнцэх хэмжээний мөнгөөр торгодог юм байна. Мөн гурван сар хүртэлх хугацаагаар баривчлах 243,2 дугаар зүйл заалт дээр хэргийг давтан үйлдсэн бол эд мөрийн баримтыг хураан авч хөдөлмөрийн хөлсний доод хэмжээг 50-250 дахин нэмэгдүүлсэнтэй тэнцэх мөнгөөр торгох буюу хоёр жил хүртэлх хугацаагаар ял эдлүүдэг аж. Тухайн мөрийтэй тоглож байсан иргэдийг тодруулбал “XLT” компанийн захирал Б.Батболд, Монгол Улсын заан Ж.Ганболдын дүү Ж.Мягмаржаргал, Монгол Улсын гавъяат тамирчин, Пан Азийн аварга Д.Лхагва нарын хүмүүс мөрийтэй тоглож байгаад үйлдэл дээрээ баригдсан байна. Эдгээр хүмүүс нь бүгд цагдаагийн байгууллагад бүртгэлтэй байдаг аж.

Б.Анхаа