Найз бүсгүйгээ хөнөөсөн гэх Г.Алтанхүүгийн хэрэг УМБГ-т шилжлээ

Найз залуугийнхаа гарт харамсалтайгаар амь насаа алдсан 21 настай бүсгүйн талаар бид өмнө нь мэдээлсэн.

Тэгвэл түүний амь насыг онц хэрцгийгээр хөнөөсөн хэрэгт сэжиглэгдэж буй 33 настай Г.Алтанхүүд холбогдох хэрэг УМБГ-ын Онц хүнд гэмт хэрэгтэй тэмцэх хэлтэст шилжжээ.

Өмнө нь тус хэргийг Сүхбаатар дүүргийн цагдаагийн хоёрдугаар хэлтэст шалгаж байсан юм.

Бүсгүйн биед хийсэн шүүх эмнэлгийн дүгнэлт ГССҮТ-өөс гарсан дүгнэлтээс зөрж, гадны нөлөөгүй нас барсан гэж тодорхойлсон нь нийгэмд ихээхэн шуугиан тариад байсан билээ.

Тиймээс Ерөнхий прокурор Д.Дорлигжав энэхүү хэрэгтэй биечлэн танилцаж, УМБГ-ын дарга хурандаа н.Батсүх зэрэг холбогдох хүмүүсийг байлцуулан хэргийг нягтлан шалгахыг үүрэгдсэнээр ийн мөрдөн байцаалтанд шилжсэн байна.