Бидний хэрэглэдэг ургамлын тосонд химийн бодис их байдаг

Монголчуудын өвчлөл, тэр дундаа элэгний өвчин хоол хүнснээс хамаарч байгаа талаар өчигдөр «Дээдсийн уламжлал» төрийн бус байгууллагаас мэдээлэл хийлээ.

Тэдний үзэж буйгаар импортоор оруулж ирж буй хүнсний бүхий л төрлийн бараа бүтээгдэхүүнийг заавал шинжлэх ёстой гэнэ. Гэтэл Монгол Улс үүнд огт анхаарал хандуулдаггүй байна. Тухайлбал монголчуудын хоол хүнсэндээ хамгийн ихээр хэрэглэдэг ургамлын тосонд химийн хортой бодис ихээр агуулагддаг аж.

Та бидний хэлж заншсанаар есийн тосонд шатахуун хүртэл байдаг юм байна. Тиймээс ургамлын тосыг халж, оронд нь өөхөн тосоо хэрэглэж заншвал элэгний өвчлөл, хорт хавдраас сэргийлж чадна гэж тус ТББ- ынхан үзжээ.