Эмийн үйлдвэрүүдийн үйл ажиллагааг зогсоосон байна

Гепапит B вирусийн вакцин үйлдвэрлэлийн 80 гаруй хувийг эзэмшдэг Хятадын эм үйлдвэрлэгч гурван том компанийн үйл ажилла­гааг түр хаажээ. Тухайлбал,  "Бээ­жин Тяньтан", "Шэньжэн Кантай", "Далянь Хиссен" зэрэг эмийн үйлд­вэ­рүүд үйл ажиллагааг нэгдүгээр сараас эхлэн зогсоосон талаар "Синьхуа" агентлаг мэдээлсэн байна. Эдгээр компаниудын үйл ажиллагааг зогсоох болсон нь Засгийн газраас тавьсан эм, тарил­га үйлдвэрлэх стандарт, шаардла­гыг хангаагүй гэж үзсэнтэй холбоо­той.

2013 оны сүүлээр тус улсад гепатит B вирус буюу элэгний шар өвчний эсрэг урьдчилан сэргийлэх тарилга хийлгэсэн арав гаруй нярай амиа алдсан билээ. Үүнийг ажиглагчид болон хариуцсан бай­гуул­­лагынхан эм үйлдвэрлэгч компа­ниудыг буруутгаж  гэж үзсэн юм. Тиймээс арванхоёрдугаар сарын 21-27-ны өдрүүдэд  эм үйлдвэрлэлийн байгууллагуудад шалгалт явуул­жээ. Шалгалтаар "Шэньжэн Кантай" компанийн үйлд­­вэр­­лэсэн В гепатитын вакцинд чанарын асуудал гараагүй бөгөөд амиа алдсан нярай нарт уг үйлд­вэр­­лэ­лийн вакциныг тариагүй гэжээ. Харин нөгөө хоёр компанид хийсэн шалгалтын дүнг одоогоор танилцуулаагүй байна. Хэдийгээр дээрх гурван компанийн вакцин үйлдвэрлэх эрхийг хассан ч В гепатитын вакцины нийлүүлэлтийг таслан зогсоохгүй хэмээн албаны­хан мэдэгдэж байна.