“Автобус-I” компанийн араас “Тэнүүн огоо” зэрэг дөрвөн бааз ажил хаялт зарлалаа

Өнөөдөр нийслэл хотын нийтийн тээвэрт үйлчилдэг автобуснуудын 45-50 нь зогсолт хийгээд байна. Энэ талаар нийтийн тээврийн газраас тодруулахад, өчигдрөөс эхлэн ажил хаялт зарласан “Автобус-I” компанийн араас өнөөдөр “Тэнүүн огоо”, “Тэнүүн дэлгэр”, “TransBus” болон “Автобус нэгдэл” гэсэн дөрвөн компаний ажилчид ажил хаяжээ.

Үүний улмаас “үйлдвэр долоон буудал, Улаан хуаран, Тахилт, Орбит, зүүн салаа нарантуул, 13-р хороолол, долоон буудал ТЭЦ-3, шувуун фабрик” зэрэг нийслэлийн 11 чиглэлд автобус явахгүй байгаа юм.

“Автобус-I” компанийн ажилчдын хувьд удирдлагаа солих болон цалин хөлс удаа дараа дутуу тавьсан, ресийн мөнгөний норм өндөр байна гэсэн үндэслэлээр ажлаа хаясан бол бусад компаниудын хувьд чухам юуны учир ажил хаясан нь тодорхойгүй байна.