48 цаг биш 4 хоног найз бүсгүйгээ зодсон байж болзошгүй Г.Алтанхүүд сэтгэцийн сорил тавьжээ

Найз залуудаа онц хэрцгийгээр зодуулан амиа алдсан 21 настай эмэгтэйн хэрэг олон нийтийн анхаарлын төвд  байна. Охины аминд хүрсэн гэх эрэгтэй Алтанхүү зураг цахим ертөнцөөр тархаад байгаа юм. Хамгийн сүүлд албаны эх сурвалжаас авсан мэдээллээр дээрх хэрэг  өнгөрсөн сарын 13-ны өдөр гарчээ.

Тухайн өдөр “ГССҮТ-д зодуулсан хүн хэвлийн мэс заслын хагалгаанд орж хэвтлээ” дуудлага цагдаагийн байгууллагад ирсэн байна. Мэдээллийн мөрөөр шалгахад Сүхбаатар дүүргийн 10 дугаар хорооны иргэн Ц-г хамтран амьдрагч ХЕ790519** регистрийн дугаартай  Г.Алтанхүү нь зодсон байсныг цагдаагийн байгууллага тогтоож, мөрдөн байцаалт явуулж байна. Харамсалтай нь талийгаач  хагалгаагаа дийлэлгүй нас барсан.   Талийгаачийн нас барсан шалтгааныг тодруулах шүүх эмнэлгийн дүгнэлт буруу гарсан хэмээн ар гэрийнхэн нь үзсэн учир дахин дүгнэлт гаргахаар мэргэжлийн эмч нарын баг ажиллаж байгаа. Уг хэрэг Сүхбаатар дүүргийн нутаг дэвсгэр III сургуулийн зүүн хойно байрладаг 2*-р байрны *** тоотод болсон.

Таны харж буй дээрх байранд Алтанхүү гэх залуу олон эмэгтэйчүүдийг яргалж байсан тухай ч эх сурвалжууд мэдээлж байгаа юм. Харин хамгийн сүүлд Алтанхүүгийн өмнөх эхнэр түүний талаар ярилцлага өгч миний хүүгийн аав бол хүнд гар хүрэх нь байтугай хорхойд хоргүй хүн гэх утгатай зүүлийг ярьсан байдаг. Мэдээж хэн ч хүүгийнхээ аавыг шоронд суулгахыг хүсэхгүй нь лавтай.

Алтанхүү бүсгүйг  48 цагийн турш зодож хөнөөсөн гэхээр нэг хэсэг сэтгэцийн өвчтэй байх гэсэн таамаг гарч байсан.  Тиймээс хоригдож байх хугацаанд нь сэтгэцийн эмч мэдрэлийг нь шалгаж, мөн тусгай сэтгэлзүйч түүнд үйлчилж байгаа аж.

Түүнчлэн хохирогчдын талаас талийгаачийн цогцсыг шинжилсэн шижээчдийн эхний дүгнэлтийг хүлээн зөвшөөрөөгүй учир дахин шинжээчдийн баг томилсон байдаг. Тэгвэл шинэ шинжээчдийн багийн дүгнэлт хараахан гараагүй байгаа хэдий ч хүмүүс өмнөхтэйгээ адил гарна хэмээн таамаглаж эхэлсэн юм.

Учир нь Г.Алтанхүүг 48 цагийн турш буюу хоёр өдөр зодсоор байгаад найз охиноо хөнөөсөн бус бага багаар яргалж, тамласаар байгаад биеийг нь муутгасан байж болзошгүй гэж таамаглах хүн олон байна. Тодруулбал, Г.Алтанхүүг угийн түргэн уур уцаартай, хартай хүн аж. Тиймээс уурлаж бухимдаж, бага багаар гар хүрч зовоосоор байгаад охины бие муудаж, цөсны цорго нь үрэвсэж нас барсан байж болзошгүй гэж үзэх хүн цөөнгүй байгаа юм.

Харин өөр нэгэн эх сурвалжийн хэлж буйгаар “Б.Цэдэн-Иш буюу Г.Алтанхүүгийн найз бүсгүй өөр нэг залуутай зүгээр нэг харилцсаны төдийд хардалтын шалтгаанаар дөрвөн өдрийн турш тамлан зовоож, дарамталж, стресстүүлсэн. Тэгснээр охины цөсний цорго үрэвсэж үхэлд хүргэсэн байж болзошгүй ” гэжээ.  Иймд Г.Алтанхүү нь шууд байдлаар бүсгүйн үхэлтэй холботой болохыг  талийгаачийн ар гэр болоод дотны найз нь хэлж байгаа юм.