Цагдаагийн дэслэгч хүний аминд хүрлээ

Сэлэнгэ аймгийн Алтанбулаг сум хүрэх замд автомашины осол гарч, хүний амь эрсэдсэн хэрэг энэ сарын 12-нд гарсан.

Хэргийг шалгах явцад Сэлэнгэ аймгийн Сайхан суман дахь Сум дундын Цагдаагийн тасагт эдийн засгийн төлөөлөгч ажилтай, цагдаагийн дэслэгч цолтой Ц.Ууганжаргал нь согтуугаар СЭА 74-70 улсын дугаартай,

“Toyota Cresta” маркийн автомашин жолоодож яваад бусдыг дайрч амь насыг хүрсэн нь тогтоогдсон байна. Энэ хэргийг харьяаллын дагуу УЕП-ын дэргэдэх Мөрдөн байцаах алба шалгаж эхэлжээ.