Г.Алтанхүү найз охиноо хардаж зодсон гэдгийг гэрч мэдүүлжээ

21 настай найз эмэгтэйгээ 48 цагийн турш зодож, амь насыг нь хөнөөсөн гэх хэрэгт сэжигтнээр татагдаад байгаа Г.Алтанхүүг мөрдөн байцаах ажил одоо хүртэл үргэлжилсээр байгаа. Одоо хэргийн эцсийн шийдвэр гаргахаар Шүүх эмнэлгийн дүгнэлтийг хүлээж байгаа бөгөөд гурав дахь удаагийн шүүх эмнэлгйин дүгнэлт ирэх долоо хоногт гарна.

Эл хэргийг УМБГ-ын Онц хүнд гэмт хэрэгтэй тэмцэх алба шалгаж байгаа бөгөөд одоогоор хоёр талаас мэдүүлэг авч эхэлсэн байна.

Эх сурвалжийн мэдээлж байгаагаар гэрчүүдийн зарим нь “Г.Алтанхүү найз охиноо өөр залуутай холбоотой байсныг мэдээд зодсон” хэмээн хэлж байгаа сурагтай. Харин түүний ар гэрийнхэн нь “Зогсоо зайгүй зодож байгаад алчихаагүй” хэмээн мэдүүлж байгаа ажээ.