”Хүн-Од” ХХК-ийн жигнэсэн үхрийн махнаас зангидсан даавуу гарлаа

Хэрэглэгчийн ходоодыг хогийн сав мэт үзэх дотоодын хүнсний үйлдвэрүүд, хугацаа нь дууссан барааг шахдаг дэлгүүрүүдэд хангалттай хариуцлага тооцож чадахгүй байгаа нь харагдсаар байна.

Тодруулбал бид өглөөний цайндаа өвчин намдаах ленттэй талх идэж, өттэй компотоор даруулах болсон. Эдгээр ноцтой гадны биетээр хачирласан хүнсний бүтээгдэхүүн бол хэрэглэгчдийн дарсан зургууд юм.

Ялаа жоомноос эхлээд гялгар уут, гаахь боолт хүртэл байгаа нь хэрээс хэтэрсэн гэлтэй. Мэдээж энэ бол манайхны өөрсдийн үйлдвэрлэсэн хүнс.

Харин өтөөр дүүрсэн чихэр, шоколад, компот нь хадгалах хугацаа он удаан жил хэтэрсэн байдлаас улбаатай. Хамгийн сүүлд "Сүү" ХХК-ийн үзэмтэй аарцнаас ямар нэг зүйлийн хуванцар таг буюу биет хог гарсан. Эдгээр хогтой хүнсний бүтээгдэхүүнийг "Хүн-Од"-ын жигнэсэн үхрийн мах удаалж байна. Тодруулбал Н.Уянга гэдэг хэрэглэгч дээрх зургийг фэйсбүүк хуудсандаа анхааруулга болгож тавьсан бөгөөд тус компани руу утасдаж алдааг нь хэлэх гэсэн боловч ямар нэг холбогдох утасны дугаар бүтээгдэхүүний шошгон дээр байхгүй байжээ. 

Хамгийн аймар нь иргэн танаас өөр энэ байдалд хэн ч анхаарал тавихгүй иймээс та худалдан авч буй хүнсний бараа, бүтээгдэхүүнийхээ он сар, хэрэглэх зааврыг сайтар шалгаж, юмыг яаж мэдэхэв задалсан хойноо ч анзаар ч байх хэрэгтэй. Учир нь таны үр хүүхэд, гэр бүлийн тань эрүүл байх явдал таны аз жаргалын гэгээхэн хэсэг билээ.