Б.Буянжаргал: Намайг покерын аварга болоход ингэж сүртэй баярлана гэж бодоогүй

Макаод болсон Ази Номхон далайн орнуудын покерийн тэмцээнд Монгол Улсаа төлөөлөн оролцсон Болдын Буянжаргал гэх залуу олон орны тоглогчдыг аваргалан “Улаан луу” цомын эзэн болсон тухай бид өмнө мэдээлсэн. Монголчууд хүчний спортоос гадна өөр олон төрлийн спортод аварга болж чадна гэдгийг батлан харуулаад байгаа. Тэрээр тэмцээнд түрүүлсэнийхээ сэтгэгдэлээс хуваалцахдаа “Сэтгэгдэл маш өндөр байгаа. Найз нөхөд ар гэрийнхэн маань ч гэсэн маш сайхан дэмжлээ. Үнэнийг  хэлэхэд монголчууд ийм айхтар сүртэй баярлан хүлээж авна гэж огт бодсонгүй. Тэмцээний тухайд анхнаасаа л хожино гэсэн өөртөө өндөр итгэлтэйгээр ирсэн. Тэгээд л хожлоо. Хэд хоногоос Монголдоо очно” гэж хэлсэн байна.