Дэлхийн алдарт хөл бөмбөгчин Монголд ирнэ

Испанийн үндэсний шигшээ багийн өмнөөс 1998, 2002, 2006 оны дэлхийн аварга шалгаруулах тэмцээнд тоглож байсан дэлхийд алдартай хөлбөмбөгч Раул Гонзалес ирэх зун Монголд ирэхээр болжээ. Тайландын "Krabi FC" багийн менежер Такаши Миромото түүнтэй Катар улсад уулзахдаа Монголд ирүүлэх санал тавьжээ. Раул Гонзалес Монголд хоёр хоног саатахдаа манай өсвөрийн хөлбөмбөгчидтэй нөхөрсөг тоглолт хийж, туршлага хуваалцахаар болжээ. Тэрбээр одоо Катарын "Al Sadd" багт тоглож байгаа юм. Ноён Такаши Миромото нь Монголын өсвөрийн хөлбөмбөгийн "FC Sumida Ulaanbaatar" клубын ерөнхийлөгч аж.